നോമ്പ് എന്ന അശാസ്ത്രീയ ആചാരം.

ഇത് നോമ്പ് കാലം. ഈ നോമ്പ് കാലത്ത് ഇസ്ലാം മത വിശ്വാസികൾ കാട്ടുന്ന ചില മണ്ടത്തരങ്ങളും അബദ്ധങ്ങളും പറയാതെ വയ്യ. ഇസ്ലാം മതം ഉപേക്ഷിക്കുന്നതിന് മുമ്പേ തന്നെ ഈയുള്ളവൻ നോമ്പ് എന്ന കള്ള പട്ടിണി അല്ലെങ്കിൽ നോമ്പ് എന്ന മണ്ടത്തരം ഉപേക്ഷിച്ചിരുന്നു. ശരിക്കും ഇസ്ലാമിലെ നോമ്പ് എന്താണ് എന്ന് നമ്മുക്ക് നോക്കാം. ഞാൻ മനസ്സിലാക്കിയിടത്തോളം മുസ്ലിങ്ങൾ ഉച്ച ഭക്ഷണം ഒഴിവാക്കുന്നതിനെ ആണ് നോമ്പ് എന്ന് പറയുന്നത്. കാരണം രാവിലെ പുലേർച്ച സുബ്ഹ് ബാങ്കിന് മുമ്പ് അത്താഴം കഴിക്കുന്നു. അത് പിന്നിട്ട് ഉച്ചയ്ക്കുള്ള ഭക്ഷണം ഒഴിവാക്കുന്നു. വൈകുന്നേരം നോമ്പ് മുറിച്ച് രാത്രി വരെ നീളുന്ന ഭക്ഷണം കഴിച്ചു കൊണ്ടിരിക്കുന്നു. ഇവിടെ എവിടെയാണ് പട്ടിണി കിടക്കുന്നത് ? ശരിക്കും ഉച്ചയ്ക്കുള്ള ഭക്ഷണം മാത്രമേ ഇവിടെ ഒഴിവാക്കുന്നു എന്ന് മാത്രം. രാവിലെ പുലേർച്ചയും രാത്രിയും ഭക്ഷണം കഴിച്ചു കൊണ്ട് ദിവസം മുഴുവൻ പട്ടിണി കിടക്കുന്നു എന്ന് പറയുന്നത് ശുദ്ധ അസംബന്ധമാണ്.

ഇനി നോമ്പ് എടുക്കുമ്പോൾ ഒരുപാട് ഗുണങ്ങൾ ഉണ്ടായിരിക്കും എന്നുമുള്ള ചില തെറ്റിദ്ധരിപ്പിക്കലുകൾ നടക്കാറുണ്ട്. ഇസ്ലാമിലെ നോമ്പ് ശാസ്ത്രം അംഗീകരിച്ചിട്ടുണ്ട് എന്ന തള്ളും നമ്മുക്ക് കാണാം. ഒരു തുള്ളി വെള്ളം പോലും കുടിക്കാൻ പറ്റാത്ത അല്ലെങ്കിൽ അനുവദിക്കാത്ത ഇസ്ലാം മതത്തിലെ നോമ്പ് എന്ത് ഗുണമാണ് ശരീരത്തിന് നൽകുന്നത്. ഭക്ഷണം നമ്മൾ ഒഴിവാക്കി എങ്കിലും വെള്ളം നമ്മുടെ ശരീരത്തിന് അനിവാര്യമാണ്. ആ വെള്ളം പോലും കുടിക്കാൻ പറ്റാത്ത ഇസ്ലാമിലെ നോമ്പ് ശരീരത്തിന് ഗുണമല്ല മറിച്ച് ദോഷമാണ് നൽകുക. ഗൾഫ് രാജ്യത്ത് നോമ്പിന് പോയ ഒരു വ്യക്തി യൂറിന് ഇൻഫെക്ഷൻ മൂലം പുറത്ത് നിന്ന് കുടിക്കാൻ ഭയപ്പെട്ട് ടോയ്‌ലറ്റിൽ വെച്ച് വെള്ളം കുടിക്കേണ്ടി വന്ന അവസ്ഥ ഉണ്ടായി. ഇതാണ് ഗൾഫ് രാജ്യങ്ങളിലെ കാലഹരണപ്പെട്ട നിയമം. ഗൾഫ് രാജ്യങ്ങളിൽ ഉളളവർ മറ്റുള്ള രാജ്യങ്ങളിൽ പോകുന്നു. അവർക്ക് ഇഷ്ടമുള്ള ഭക്ഷണം കഴിക്കുന്നു. പൊതു ഇടങ്ങളിൽ നിന്ന്. പക്ഷേ സൗദി പോലെയുള്ള രാജ്യങ്ങളിൽ നിന്ന് നോമ്പ് സമയത്ത് ഭക്ഷണം കഴിച്ചാൽ ജയിലിൽ അടക്കാനും മർദ്ധിക്കാനും ആളുകൾ ഉണ്ടാകും. ഇനി തീവ്ര ഇസ്ലാമിക രാജ്യങ്ങളായ ബംഗ്ലാദേശിലോ പാകിസ്ഥാനിലോ മറ്റോ അറിയാതെ നോമ്പ് സമയത്ത് ഭക്ഷണം കഴിച്ചാൽ ചിലപ്പോൾ ജീവൻ പോലും കാണില്ല. കാരണം ഇസ്ലാം എന്ന മതത്തിൻ്റെ ഒരുതരം ഗോത്ര സ്വഭാവമാണ്. കാരണം ഭക്ഷണവും വെള്ളവും കഴിക്കാതിരുന്നാൽ മനുഷ്യന് ഉണ്ടാകുന്ന പ്രശ്നങ്ങളെ പറ്റിയൊന്നും ഇസ്ലാമിന് അറിയേണ്ട. അല്ലെങ്കിൽ മുസ്ലിങ്ങൾക്ക് അറിയേണ്ട. ഞാൻ ഭക്ഷണം കഴിക്കുന്നില്ല അത് കൊണ്ട് നീയും കഴിക്കരുത് അല്ലെങ്കിൽ നിന്നെ കഴിക്കാൻ ഞാൻ അനുവദിക്കില്ല എന്ന വിചിത്രവും മാനുഷിക വിരുദ്ധവുമായ കാര്യങ്ങളാണ് നമ്മുക്ക് കാണാൻ പറ്റുന്നത്. മുസ്ലിംങ്ങൾ വിചാരിക്കുന്നത് നോമ്പ് നമ്മുക്ക് മാത്രമേ ഉള്ളൂ എന്നാണ്. നോമ്പ് മിക്ക മതങ്ങളിലും ഉണ്ട്. എല്ലാ മതങ്ങളും പരസ്പരം കോപ്പി ചെയ്തു ഉണ്ടാക്കിയതാണ് മിക്ക ആചാരങ്ങളും. നോമ്പും അതെ പോലെ തന്നെ. പക്ഷേ മറ്റ് മതങ്ങളിൽ അത്ര പ്രേരണയോ നിർബന്ധമോ ഇല്ല. ഇസ്ലാമിൽ എക്കാലവും നിർബന്ധിച്ചു നോമ്പ് എടുക്കുക എന്ന രീതിയാണ്. അത് കുട്ടികളിലും മുതിർന്നവരിലും ഒരേ പോലെ. ചൈനയിൽ സർക്കാർ നിർബന്ധിച്ച് നോമ്പ് എടുത്ത മുസ്ലിം കുട്ടികൾക്ക് ഭക്ഷണം കൊടുത്തു എന്ന തെറ്റായ വാർത്ത നമ്മൾ കണ്ടു. വലിയ രാജ്യമായ ചൈനയിൽ വ്യത്യസ്ത കാലാവസ്ഥ ആണ് ഉള്ളത്. അവിടെ പതിനാറും പതിനേഴും മണിക്കൂർ നേരം ചെറിയ കുട്ടികൾ നോമ്പ് എന്നതിൻ്റെ പേരിൽ പട്ടിണി കിടക്കുക എന്ന് പറയുന്നത് കുട്ടികളോടുള്ള ക്രൂരതയാണ്. വെള്ളം പോലും കുടിക്കാൻ പറ്റാതെ കുട്ടികൾ കഴിയുക. എന്തൊരു മനുഷ്യ ദ്രോഹം !!. പക്ഷേ ഇതിൻ്റെ വാർത്തകൾ വന്നത് വേറൊരു തരത്തിൽ.

മറ്റൊന്നാണ് നോമ്പ് കാലത്തെ വായ്നാറ്റം. മണിക്കൂറുകളോളം ഭക്ഷണം കഴിക്കാതെ നിൽകുമ്പോൾ വായയിൽ നിന്ന് വരുന്ന നാറ്റം അസഹനീയമാണ്. അത് ചിലപ്പോൾ നോമ്പ് എടുത്തവന് മനസിലാകില്ല. സംസാരം കേൾക്കുന്നവനായിരിക്കും ഇതിൻ്റെ ബുദ്ധിമുട്ട് അനുഭവപ്പെടുക. പിന്നെ നോമ്പ് കാലത്തെ വീട്ടിൽ ഉണ്ടാവുന്ന ചിലവുകൾ. മിക്കവാറും വീടുകളിൽ നോൺ വെജ് ഭക്ഷണമായിരിക്കും നോമ്പിന് ഉണ്ടാവുക. ഇത് കൊണ്ട് ഉണ്ടാവുന്ന ചിലവുകൾ ഒന്ന്, മറ്റൊന്ന് രോഗങ്ങൾ. വറുത്തതും പൊരിച്ചതുമായ ആഹാരങ്ങൾ കഴിച്ചത് കൊണ്ട് ഉണ്ടാകുന്ന നിരവധി രോഗങ്ങൾ. നോമ്പ് തീർന്ന ഉടനെ ഹോസ്പിറ്റലിൽ ഉണ്ടാകുന്ന തിരക്ക് നമ്മുക്ക് കണ്ടറിയാം. നോമ്പിന് ഉമിനീർ പോലും ഇറക്കാൻ പാടില്ല എന്ന് പറഞ്ഞു കൊണ്ട് ഉമിനീർ പിടിച്ചു നിർത്തി നിന്ന പല കൂട്ടുകാരുടെയും കഥകൾ നമ്മുക്ക് അറിയാം. അതെ പോലെ നോമ്പിന് ഉള്ള മറ്റൊരു പ്രശ്നമാണ് പരിസ്ഥിധി മലിനീകരണം. നോമ്പ് എടുക്കുന്നവർ പൊതുവിടങ്ങളിൽ തുപ്പി കൊണ്ടിരിക്കുന്ന കാഴ്ച ഈ സമയത്ത് കൂടുതലാണ്. മുസ്ലിം ഭൂരിപക്ഷമുള്ളയിടത്ത് മറ്റുള്ളവരുടെ കച്ചവടങ്ങൾ നിർബന്ധിച്ച് അടപ്പിക്കുക എന്നുള്ള വാർത്തകളും നമ്മളെ സങ്കടപെടുത്തുന്നുണ്ട്. സമയക്രമം മാറ്റിയ ഒരു അഭിനയം ആയിട്ട് മാത്രമേ ഇസ്ലാമിലെ നോമ്പിനെ ഞാൻ ഇപ്പോൾ കാണുന്നുള്ളൂ. ശരീര ഘടന ഓരോരുത്തർക്കും വ്യത്യസ്തമാണ്. ഒരു ഡോക്ടർ അല്ലെങ്കിൽ ഫിറ്റ്നസ് ട്രെയിനർ ഉപദേശങ്ങളിൽ കൂടി നല്ല ഒരു ഡയറ്റിങ് സിസ്റ്റം ആണ് നമ്മൾ ചെയ്യേണ്ടത്. അല്ലാതെ രാവിലെ മുതൽ വൈകുന്നേരം വരെ ഒന്നും കഴിക്കാതെയും ഒരു പണിക്ക് പോകാതെയും വീട്ടിലോ പള്ളിയിലോ ഇരുന്ന് കുറെ മന്ത്രങ്ങൾ ചൊല്ലും. എന്ത് കാര്യം ? നമ്മുടെ ശാസ്ത്ര പുരോഗതിക്ക് വേണ്ടിയുള്ള ഒരുപാട് സമയം നഷ്ടപ്പെടുന്നു. മുസ്ലിം സഹോദരങ്ങൾ ഇതിനെ പറ്റി പഠിച്ച് മനസ്സിലാക്കാൻ അഭ്യർത്ഥിക്കുന്നു.

By 
Ramshad