Koya Calling 1st Anniversary

𝗞𝗢𝗬𝗔 𝗖𝗔𝗟𝗟𝗜𝗡𝗚 വിജയാഘോഷം ജൂലൈ 19-ലേക്ക് പുനഃക്രമീകരിച്ചു..!! ❤️

പ്രിയപ്പെട്ടവരെ,

മതതീവ്രവാദികളുടെ ഭീഷണികൾക്കും ഭരണകൂടത്തിന്റെ നിസ്സംഗതയ്ക്കും മുന്നിൽ സ്വതന്ത്രചിന്തയുടെ ശബ്ദങ്ങൾ തളരില്ലെന്ന ഉറച്ച പ്രഖ്യാപനത്തോടെ ‘കോയാ കോളിങ്ങ്’ വിജയാഘോഷവും NRC ഓഫ്‌ലൈൻ സംഗമവും പുതിയ തീയതിയിൽ അരങ്ങേറുകയാണ്.

സുരക്ഷാ കാരണങ്ങളാൽ താൽക്കാലികമായി മാറ്റിവെക്കേണ്ടി വന്ന നമ്മുടെ പ്രിയപ്പെട്ട പരിപാടി, എല്ലാ നിയമപരമായ സുരക്ഷാ മുൻകരുതലുകളോടെയും കൂടി പുനഃക്രമീകരിച്ചിരിക്കുകയാണ്.

പുതിയ തീയതി: ജൂലൈ 19, ഞായറാഴ്ച
സ്ഥലം: കണ്ടംകുളം ജൂബിലി ഹാൾ, കോഴിക്കോട്
രജിസ്ട്രേഷൻ തുക: ₹300

മുമ്പ് നിശ്ചയിച്ചതുപോലെ തന്നെ എല്ലാ പരിപാടികളും മാറ്റമില്ലാതെ പൂർണ്ണമായി നടത്തുന്നതാണ്.

സദീഖത് ടീച്ചർ – നൂർ അബ്ദുൽ interaction ‘തട്ടമിടാത്ത ചിന്തകൾ’, ഷാജിതാ അജീസ് ആരിഫ് ഹുസൈനുമായി നടത്തുന്ന അഭിമുഖ സെഷൻ ‘The Arif Effect: കോയാ കോളിങ്ങ് ഒരു വിചാരണ’, പ്രസിദ്ധ സ്റ്റാൻഡ് അപ്പ് കൊമേഡിയൻ അനീസ് V ലത്തീഫ് ഒരുക്കുന്ന ‘ചിരിവിരുന്ന്’, മാധ്യമപ്രവർത്തകൻ റിജു M അവതരിപ്പിക്കുന്ന ഇന്റർനാഷണൽ പൊളിറ്റിക്സ് പ്രസന്റേഷൻ ‘ഇസ്ലാമോ ലെഫ്റ്റും ഇറാനും’, അബ്ദുൽ അലിമാഷ് – ജാഫർ ചളിക്കോട്, A.P അഹമ്മദ് – പ്രസാദ് വേങ്ങര എന്നിവരുടെ interaction സെഷനുകൾ, കൂടാതെ ഏവരും കാത്തിരിക്കുന്ന ലൈവ് കോയാ കോളിങ്ങ് എന്നിവയെല്ലാം പരിപാടിയുടെ ഭാഗമായിരിക്കും.

ഇത് ഒരു പരിപാടി മാത്രമല്ല. ഒരു വീട് പൂർത്തിയാക്കാനുള്ള കൂട്ടായ ശ്രമമാണ്.

NRC ഏറ്റെടുത്ത് നടത്തുന്ന സൗജന്യ ഭവനനിർമ്മാണ പദ്ധതി പൂർത്തിയാക്കുന്നതിനായാണ് ഈ പരിപാടി സംഘടിപ്പിക്കുന്നത്. ഏകദേശം ₹14 ലക്ഷം ബജറ്റിൽ ആരംഭിച്ച വീടിന്റെ നിർമ്മാണം പൂർത്തിയാക്കാൻ ഇനിയും ഏകദേശം ₹4 ലക്ഷം രൂപ കൂടി ആവശ്യമാണ്.

ഈ പരിപാടിയിലൂടെ ലഭിക്കുന്ന രജിസ്ട്രേഷൻ തുകയും സംഭാവനകളും ഭവനനിർമ്മാണ പദ്ധതി പൂർത്തിയാക്കുന്നതിനായി വിനിയോഗിക്കുന്നതാണ്. അതുകൊണ്ട് നിങ്ങളുടെ പങ്കാളിത്തം ഒരു സീറ്റിന്റെ ബുക്കിംഗ് മാത്രമല്ല, ഒരു കുടുംബത്തിന് സുരക്ഷിതമായ ഒരു വീട് യാഥാർത്ഥ്യമാക്കാനുള്ള സഹായമാണ്.

ഈ പോരാട്ടത്തിൽ സംഘാടകർക്കൊപ്പം വിട്ടുവീഴ്ചയില്ലാതെ ഉറച്ചുനിന്ന നിങ്ങളോരോരുത്തരുമാണ് ഞങ്ങളുടെ കരുത്ത്. പരിപാടി കൂടുതൽ ഗംഭീരമാക്കാനും, ഈ ഭവനനിർമ്മാണ പദ്ധതി വിജയകരമായി പൂർത്തിയാക്കാനും നിങ്ങളുടെ ഓരോരുത്തരുടെയും അകമഴിഞ്ഞ പിന്തുണ പ്രതീക്ഷിക്കുന്നു.

ഓൺലൈൻ ബുക്കിംഗ് & സംഭാവനകൾ

ഇതുവരെ രജിസ്റ്റർ ചെയ്യാത്തവർക്ക് ഇപ്പോൾ വെബ്സൈറ്റ് വഴി സീറ്റുകൾ റിസർവ് ചെയ്യാവുന്നതാണ്. ബുക്കിംഗ് അതിവേഗം പൂർത്തിയാകാൻ സാധ്യതയുള്ളതിനാൽ എത്രയും വേഗം നിങ്ങളുടെ പങ്കാളിത്തം ഉറപ്പാക്കുക.

ഓൺലൈൻ ടിക്കറ്റ് ബുക്കിംഗ്: [Click Here to Register / Book Tickets]

സ്വതന്ത്രചിന്തയുടെ ഈ ചുവടുവെപ്പിനെയും ഭവനനിർമ്മാണ പദ്ധതിയെയും സാമ്പത്തികമായി പിന്തുണയ്ക്കാൻ ആഗ്രഹിക്കുന്നവർക്ക് താഴെ കാണുന്ന അക്കൗണ്ട് വിവരങ്ങൾ വഴി സംഭാവനകൾ നൽകാവുന്നതാണ്.

ബാങ്ക് അക്കൗണ്ട് വിവരങ്ങൾ:
UPI ID:
അക്കൗണ്ട് നമ്പർ:
ഫോൺ:

ഭയപ്പെടുത്തി ഒതുക്കാമെന്ന് കരുതുന്നവർക്കുള്ള മറുപടിയാകട്ടെ ജൂലൈ 19-ലെ നമ്മുടെ ഈ ഒത്തുചേരൽ.

തുറന്ന മനസ്സോടെ സംവദിക്കാനും കാര്യങ്ങൾ മനസ്സിലാക്കാനും താൽപര്യമുള്ള ഏവരെയും പരിപാടിയിലേക്ക് ഹൃദയപൂർവ്വം സ്വാഗതം ചെയ്യുന്നു. ❤️

സ്നേഹത്തോടെ,
സംഘാടക സമിതി
NRC കോഴിക്കോട്, മലപ്പുറം